Mann

Pal pal dhalti shyam hai 

Pal pal dhalta din 

Kuch pal ka andhera hai 
Kuch pal baad h din

Ek shyam nami si layi hai 

Ek baat kahi se aayi h 

Ye hai andhera hisse ka 

Par us paar toh hoga din 

  

Tu soche toh sab aacha hai 

Na soche toh kya hai bura 

Pal pal mai mann badalta hai 

Kaise ho sab mumkin 

  

Ek soch andhera lata hai 

Kali chadar se darata hai 

Fir dekh gagan ki aur kabhi 

Jugnu se rang dikhata hai 

  

Tera chalna bhi hai hanan 

Tera rukna bhi hai jayaz  

Tu pal pal sambhle aap hi 

Toh raah nyi kuch toh nhi 

Tu jeet nhi sabke liye 

Sabke liye tu haar nhi 

Tera mann hi kaaran hai sab 

Aur khud hi tu ispe bhandhan 

Guzra Waqt

Yu hi nahi tha Mera wo bolte bolte ruk jana 

Teri baatein kisi ki yaad dila jaati hai 

Kuch toh aisey chu kar guzarti hai hawa si 

Ki dobara jeene ka ehsaas kara jati hai 

Tera wo waqt na hone ka bahana 

Tera wo phone pe roothna manana 

Tera wo ghanto intzar karna 

Fir jawab mai bus "hmm" ka aana 

Mujhe bha jata hai wo choti choti baato ko nibhana 

Wo kabhi kabhi aakhir tak rulana  

Mujhse meri galti manwana 

Baat ko dobara tera beech mai ghaseet lana 

Fir khud ko galat keh kar sorry bol jana  

Yaad aata hai tera wo baato hi baato mai hasana 

Wo tera kandhey pe sar jhukana 

Wo tera shabdo ko sajana  

Milna hota tha bahar 

Par tera aansu na rok pana  

Wo teri meri nasamjhi  

Wo tera mera khel 

Fir adhurey drink ko tera beech mai chod jana 

"Uski wo nam aankhe jab mene 

Jhooti karar ki thi 

Tab manane ki kosish usne sab nakar di thi 

Kya dikhta nhi tujhe bhi aankho ka bhar aana 

Kuch yaad aata aisa mujhe wo beeta jamana"

Manjil

Aankhon ke ish noor ko 

Tum marne na dena  

 Oonchaiyon ke panchi ko 

 Tum girne na dena  

 Khone na dena khud ish khalbal mai  

 Bus apna karm karta chala ja 

  Fal usey hai dena  

  

 Waqt lagega dil tutega  

 Sath na hoga koi tere  

 Apno se yakeen tutega  

 Par baat bnegi rah mudegi 

Umeedo ke us raste pe 

 Sapne khud milte jayenge  

 Na sath koi na sikhane wala  

 Khud ke sathi hi ban jayenge  

  

 Ummed na chodi jo tune   

 Aur khud ko dega tu jwab  

 Wo parvat teri manjil ka  

 Khud hi jhukta jayega  

 Aur teri taraf wo khud hi 

 Fir doh kadam bhadheyga